نگران وزیر برائے منصوبہ بندی محمد سمیع سعید نے آذربائیجان کی علاقائی سالمیت اور خودمختاری کیلئے پاکستان کی حمایت کا اعادہ کیا ہے ۔انہوں نے ZANGI LAN میں دوسرے آذربائیجان نیشنل اربن فورم میں شرکت کے بعد صحافیوں سے گفتگوکرتے ہوئے دونوں ممالک کے درمیان دیرینہ اقتصادی تعاون اوردوستی کی اہمیت کو اجاگر کیا۔وفاقی وزیر نے کہاکہ حکومت پاکستان اور اس کے عوام آذربائیجان کی علاقائی سالمیت اور خودمختاری کی مکمل حمایت کرتے ہیں اورآذربائیجان کے ساتھ یکجہتی کا اظہار کرتے ہیں ۔انہوں نے تجارت، رابطوں ، توانائی ،سیاحت اور انفارمیشن ٹیکنالوجی جیسے مختلف شعبوں پر توجہ دیتے ہوئے تعلقات کو مزید مضبوط بنانے کے عزم کا اعادہ کیا ۔
0 کمنٹس:
Post a Comment