نگراں وزیر داخلہ میر سرفراز بگٹی نے کہا ہے کہ ہم نے دہشت گردی کے خلاف زیرو ٹالرنس کی پالیسی اپنائی ہے۔ صوبہ بلوچستان میں دہشتگردی کے سے جتنے بھی واقعات ہوئے ان کے پیچھے بھارتی خفیہ ایجنسی ’’را‘‘ ملوث ہے، جو قوتیں پاکستان کو عدم استحکام سے دوچار کرنا چاہتی ہیں ہم ان کا پیچھا کرینگے
ہفتہ کو کوئٹہ میں ایک پریس کانفرنس سے خطاب کرتے ہوئے انہوں نے کہا کہ ہم اچھی طرح جانتے ہیں کہ ملک میں ریاست دشمن عناصر دہشت گردوں کی حمایت کر رہے ہیں۔انہوں نے کہا کہ ان دہشت گردوں کی سرپرستی کون کر رہا ہے یہ جاننے کے لیے مکمل اور جامع تحقیقات جاری ہیں۔
انہوں نے مزید کہا کہ ملک سے دہشت گردی کے خاتمے اور ریاست کی رٹ کے مکمل نفاذ تک دہشت گردوں اور تخریب کاروں کے خلاف سخت کارروائی جاری رہے گی۔نگراں وفاقی وزیر نے کہا کہ گزشتہ روز مستونگ بم دھماکے میں 55 بے گناہ لوگ شہید ہوئے۔
سرفراز بگٹی نے دہشت گردوں کے ٹھکانوں پر چھاپے مارنے کے عزم کا اظہار کیا۔وفاقی وزیر نے کہا کہ آرمی چیف کی ہدایت پر دھماکوں کے زخمیوں کو ہر ممکن طبی سہولیات فراہم کی جا رہی ہیں۔انہوں نے کہا کہ پوری قوم شرپسندوں اور دہشت گردوں کے خلاف متحد ہے۔
0 کمنٹس:
Post a Comment