توانائی بجلی اورپیٹرولیم کے نگران وزیر محمد علی نے کہا ہے کہ عبوری حکومت نے ملک میں بجلی چوری کے خلاف سخت مہم کا آغاز کیا ہے جس کے مثبت نتائج برآمد ہوئے ہیں ۔ایک نجی ٹی وی چینل سے گفتگو کرتے ہوئے انہوں نے کہاکہ بجلی کے ترسیلی نظام کو بہتر بنانے کیلئے موثر اقدامات کئے جارہے ہیں اوربجلی کی چوری کا خاتمہ حکومت کی اولین ترجیحات میں شامل ہے۔
انہوں نے کہاکہ حکومت نے بجلی چوری کے خلاف جاری مہم کی نگرانی کیلئے بجلی کی ڈویژن میں ایک مرکزی کنٹرول روم قائم کیا ہے ۔ایک سوال کے جواب میں انہوں نے کہاکہ حکومت آزادانہ اورشفاف انتخابات کرانے کیلئے الیکشن کمیشن کے ساتھ تعاون کرے گی۔
0 کمنٹس:
Post a Comment