صدر ڈاکٹر عارف علوی نے کہا ہے کہ صنفی مساوات کو یقینی بنانے کے لیے تعلیم اور صحت تک مساوی رسائی کے ساتھ خواتین کو مالیاتی طور پر بااختیار بنانا ناگزیر ہے۔
وہ بدھ کو ایوان صدر اسلام آباد میں منعقدہ تقریب سے خطاب کر رہے تھے۔صدر نے صنفی مساوات کو برقرار رکھنے میں ہر ایک کی ذمہ داری پر زور دیا اور ذکر کیا کہ متعدد طرز عمل خواتین کے خلاف امتیازی سلوک میں حصہ ڈال رہے ہیں جس سے صرف مایوسی ہی جنم لیتی ہے۔ انہوں نے کہا کہ اسلام خواتین کے حقوق کا تحفظ کرتا ہے۔
انہوں نے کہا کہ خواتین کی ڈیجیٹل شمولیت وقت کی ضرورت ہے اور اس سے ان کی زندگیوں میں مثبت تبدیلی آسکتی ہے۔ ڈاکٹر عارف علوی نے کہا کہ بے نظیر انکم سپورٹ پروگرام مستحق خواتین کو زبردست خدمات فراہم کر رہا ہے۔
0 کمنٹس:
Post a Comment