728x90 AdSpace

  • تازہ ترین

    Sunday, December 10, 2023

    ٹریفک کی روانی کو برقرار رکھنے اور ٹریفک قوانین پر عملدرآمد کرنے کے لیے ٹریفک پولیس 24/7 محترک


     

     اسلام آباد


    آئی سی سی پی او ڈاکٹر اکبر ناصر خاںکے خصوصی احکامات پر اسلام آباد کیپیٹل پولیس کا غیر قانونی اور ڈبل پارکنگ کے خلاف گرینڈ آپریشن جاری،رواں سال کے دوران 12ہزارسے زائد گاڑیوں کو چالان ٹکٹس جاری کئے گئے۔
    تفصیلات کے مطابق اسلام آباد کیپیٹل سٹی پولیس آفیسرڈاکٹر اکبر ناصر خاں کے خصوصی احکامات پر اسلام آباد کیپیٹل پولیس کا غیر قانونی اور ڈبل پارکنگ کے خلاف کریک ڈاﺅن جاری ہے ،چیف ٹریفک آفیسراسلام آبادکی زیر نگرانی غیر قانونی اورڈبل پارکنگ کے خلاف جاری اس خصوصی مہم کیلئے اسلام آباد کیپیٹل پولیس کے افسران و جوانوں پر مشتمل اضافی نفری کے ساتھ خصوصی دستے بھی تشکیل دیئے گئے ہیںجوکہ مختلف اوقات میں بڑی شاہراہوںاورمراکز میں گرینڈ آپریشنز میں بلا امتیاز کارروائی عمل میں لا رہے ہیں،جن مقامات پر کارروائیاں عمل میں لائی گئیں ان میں بڑی شاہراہوں کے ساتھ بڑے تجارتی مراکز، مارکیٹس خصوصاً جی الیون مرکز،ایف الیون مرکز،ایف ٹین مرکز،جی نائن مرکز،جی ایٹ مرکز، آئی ایٹ مرکز، بحریہ ٹاو¿ن، بلیوایریا،جناح سپر مارکیٹ،آبپارہ اور بارہ کہومارکیٹ شامل ہیں،رواں سال گرینڈ آپریشنز کے دوران غیر قانونی اور ڈبل پارکنگ کے خلاف کارروائی کرتے ہوئے اسلام آباد کیپیٹل پولیس نے12ہزارسے زائد گاڑیوں کو چالان ٹکٹس جاری کئے اور متعدد گاڑیوں کو مزید قانونی کارروائی کے لئے مختلف تھانہ جات میں منتقل کیا گیا،آپریشن کے دوران کار شو رومز کے باہر کھڑی کی گئی گاڑیوں کو فوک لفٹرزکی مدد سے مقرر کردہ پارکنگ ایریا میں منتقل کیا گیا اور شورومزمالکان کو تنبیہ کی گئی کہ وہ فٹ پاتھ اور روڈ پر گاڑیاں کھڑی کرنے سے گریز کریں بصورت دیگر ان کے خلاف سخت قانونی کارروائی عمل میں لائی جائیں گی،چیف ٹریفک آفیسراسلام آباد نے شہریوں کو پیغام دیتے ہوئے کہا کہ اسلام آباد کیپیٹل پولیس شہریوں کی جان و مال کو محفوظ بنانے اور حادثات کی روک تھام کے لئے بلا امتیاز کارروائیاں عمل میں لا رہی ہے تاکہ ٹریفک قوانین کی پاسداری کو یقینی بنایا جائے اور اسلام آباد کو حادثات سے محفوظ ترین شہر بنایا جا سکے۔



     

    • Blogger Comments
    • Facebook Comments

    0 کمنٹس:

    Post a Comment

    Item Reviewed: ٹریفک کی روانی کو برقرار رکھنے اور ٹریفک قوانین پر عملدرآمد کرنے کے لیے ٹریفک پولیس 24/7 محترک Rating: 5 Reviewed By: ALL IN ONE
    Scroll to Top